افضل موضات الديكور لعام 2021و2022

موضة الديكور لعام 2021,2022????

عدنة 11 جزء ف حقسمها كل جزء اشرحة بطريقة مبسطة

نبدي بجزء رقم واحد:

..WABI SABI STYLE ????

وهو مصطلح ياباني معنا ال wabi هو التناغم والسلام والتوازن اما الsabi ازدهار الوقت

طبعاً سمي بهذا الاسم نسبة الى البساطة الموجودة بالايتمات لانو كلها مستوحية من الطبيعة بالاضافة الى الالوان المحايدة او الالوان الي تكون كلها مشتقة من الالوان الطبيعة بدون تكلف بدون تشوش مو شرط كلشي بيرفكت مو شرط انو الميز يكون مصبوغ ومابي اي خدش موشرط يكون شكل الطاولة مودرن ممكن يستخدمون جذع شجرة ,ممكن كلش تلاحظون انو حتى الاواني والاكواب يكون بيها فطر (مفطورة) ممكن كلش تلكون الميز او الكنتور او السرير مشخوط ممكن كلش تلكون اطار اللوحة مُعتق ممكن كلش تلكون التيبل لامب مصنوع من مكونات طبيعية

ووممكن يستخدمون الجلود والصوف والخوص بصناعة السجاد وكذلك يستخدمون الحجر والخام والحصى باشكال انيقة ومريحة للنظر وطبعا يتميز هذا الستايل بالاثاث القليل الهادء مو بالكثرة

مختصر الكلام اكثر الايتمات تكون ڤنتج (vintage )

تابعوا الصور وشوفو كمية البساطة والنزاكة ????

وطبعاً هي مسألة اذواق اكو ناس متفضل هذا الطراز الياباني انتضروني بالجزء الثاني للتعرف ع تريند جديد لعام 2021و2022