افكار و تصاميم للمطابخ الصغيرة

By Noor H. Ibrahim

Small kitchen design ideas ????✨
مساحة البيت او الشقة صغيرة ؟
محتارة شلون ترتبيهم ؟
انت شخص تحبين تطبخين بالمطبخ وبنفس الوقت تردين تتواصلين ويا العائلة ؟
منو گال المطبخ لازم يكون بمكان والهول بمكان؟
الحل هنا ????????☺️
جبتلكم مجموعة من دزاينات المطبخ الامريكي لاستغلال المساحات الصغير بطريقة انيقة ومثالية وبالالوان متناسقة ويا ديكور الهول

•طبعاً المطبخ الامريكي يتقسم قسمين:
*✨مطبخ مع بار
*✨مطبخ بدون بار
والفكرة المشتركة انو الكاونتر يكون ع شكل حرف يو(U) او ال (L)

بوجود البار

منحتاج ميز طعام لان المكان يصير ضيق او الي يعجبة الميز ف ينحط خارج البار مثل مموضح بالصور يعني يكون بالهول وطبعاً مااوصيكم الالوان خلوها متناسقة وياديكور الكاونتر مو الا نفس اللون بس يكون يتناسق واذا تردون ميز جوكر فااختارو الخشبي

✨شنو نحط ع البار

هالشي اختياري ،اما صينية مرتبة خشبية او اي صينية مال ديكور وتحطون بيها فد تحفية نازكة وشمعة،مثلاًنكدر نحط سندانة لنبات ضلي،نگدر مزهرية ورد نازك،جهاز تحضير القهوة ،ممكن كلشي منحط هالشي راجعلكم وبالصور هواي افكار

✨لاتنسون البراكيتات الي تتعلك بالحايط فوك البار
احرصو ع اختيار شي هادئ وصغير
هي المساحة بلاشي صغيرة فكلشي خلو صغير وهادئ

بدون بار

فهنا نحتاج ميز طعام صغير ،اذا المطبخ كان مفتوح مو مستطيل فعادي نكدر نحط الميز بالنص او بالطرف حسب مكانكم ،اذا مكفة ف نطلع الميز خارج المطبخ ورح يكون بين المطبخ وبين الهول

قبل لااختم الموضوع اريد انطيكم نصيحة/ابتعدو من الالوان الفاقعة لان اولاً موديلهم راح ثانيا المساحة صغيرة ف رح يضيق المكان ،مثل/ كاونتر كل لونة اخضر او اصفر او ماروني❌????،
ممكن يكون كاونتر هو لون رصاصي فاتح ومطعم بلون اصفر فاتح هنا اوكي رح يكون هادئ وعصري ✅
✨كل ما تكون الالوان فاتحة بالمساحات الصغيرة رح يبين المكان اكبر وشرح اكثر????

اترك تعليقاً