خطوات ترتيب الحواجب بالتفصيل لمظهر طبيعي و انيق

الكاتب: Aseel H. Osman

الموضوع حلو واكيد راح تحبوه????يفيدكم بالاخص اثناء الحظر لان اغلب البنات بسبب كورونا تركوا الصالونات وصار شكلهم مخيف احيانا ????…امزح ????
كل بنية تتمنى انه تكون حواحبها جميلة ومتناسقة
لكن البعض يعانون من مشاكل مثل عدم تشابه الحاجبين او يكون الشعر خفيف او وجود رسم تاتو قديم وخلص موديلة خاصة انه لان منكدر كل فترة نغير ستايل ونسوي جديد وايضا مينمسح زين يتشوه المكان لهذا ابد ما انصح بي..
راح اعلمكم بعض الخطوات بترتيب الحاجبين ونزلتلكم صور شدو للحاجب واقلام كلها شي جميل ينطون لوك طبيعي ومرتب بدون مبالغة ومراح تحتاجون تسوون تحشاة 6d او 3d للحاجب اذا ضبطتوا هذه الخطوات
١.تنظيف وترتيب اسبوعي
٢.طريقة رسم الحاجبان بدقة
٣.انواع لاقلام او شدو او جل الحاجب
٤.ماسكارا تثبيت واعطاء لون مميز للحاجب مثل البني او الاشقر الذهبي(يجب ان يكون الشعر الاساسي اشقر غامق او فاتح ايضا )
يلا جهزي العدة القتالية وابدأي واتمنى تستفادون من المعلومات ولو شوي ????

1. حددي هدفك

قبل ما تبدأين بأي شي حددي هدف معين يعني اي ستايل تحبين تسوين الحواجب تكدرين تستعينين بصور كوكل لرؤية الستايل المناسب اللي تحبيه

2. رسم مخطط الحاجب

حددي بقلم تحديد الحاجب بشكل خفيف القياسات والابعاد مثلا:
1. المسافة بين الحاجبين بالمسطرة الشفافة من ٢ الى ٥ ارتفاع الحاجبين يجب ان يكون متساوي

٣ و ٤ اطراف الحاجبين ايضا متساوية وذلك بقياس طول الحاجبين بالمسطرة حيث نحدد الطول المطلوب ويتم ازالة الشعر المتبقي

هذا القلم اكثر الصالونات يستعملوه لان لونة حلو وبارز
يفيدكم بتحديد القياسات قبل ترتيب الحاجب

3. تعديل الحاجب باستخدام المقص

بعد تحديد القياسات اول خطوة نعملها هو تمشيط الحاجب للاعلى ثم قصه
تكرر هذه الخطوه مرتين او اكثر ويتم قصه بشكل متساوي

الخطوة اللي بعدها يمشط الحاجب للاسفل وايضا نقص ولكن بشكل قليل حتى لا يحدث حفر ومطبات ????

4. اكمال عملية التنظيف للحاجب

واخر خطوة بعملية التنظيف هو ازالة الشعر الزائد بدقة وبشكل مستقيم من الاعلى
مراعاة التساوي والتشابه بين الحاجبين
ميصير تسوين واحد وتكمليه وبعدين ترجعين تبدأين بالثاني لا لا ❌
من الاول شوي ومن الثاني نفس المكان اللي يقابلة بالضبط ونفس القياس وهكذا
يمكنك الاستعانة ببعض الفديوهات التعليمية من اليوتيوب ????

5. رسم الحاجب

هسة نجي لطريقة الرسم بالخطوات
اني بالنسبة الي افضل الشدو ومرات قلم اشقر لان سهل وشكلة طبيعي وميسبب تساقط لشعر الحاجب
الجل ايضا حلو لكن ينفع للمناسبات وليس للاستعمال اليومي لان لونة بارز اكثر ويبين اوفر شوي
بالنسبة للعيوب الموجودة مثل اثر تاتو قديم او غيره
يفضل استعمال كونسيلر لاخفاءة مثل ميبيلين او فت مي او درماكول اللي يستعملوه لأخفاء الأوشام
وتثبتوه بلوس باودر وتبدأون برسم الستايل الجديد واذا مناسبة عدكم انصح باستعمال بخاخ مثبت الميك اب

نراعي الخطوات بالصورة ونرسم الاطراف بدقة وانصحكم بتدريب يومي حتى تصيرون محترفين ????

هذا من افضل الشدوات اللي موجودة ويستعملوها البلوكرات بكثرة لان الوانة جميلة ودقة متناهيةبالرسم وثابت ????

هذه الالوان لجل حاجب انستازيا
طبعا اللي تحب يكون حاجبها لونة اصفر او اشقر ذهبي لازم تصبغ الحاجب الاساس بلون اشقر شوي وتستعمل جل او شدو لون فاتح ومسكارا لونها ايضا فاتح ذهبي اخر لمسة لاضافة شكل اشقر طبيعي للحاجب

هذا ايضا قلم انستازيا الحلو بي يرسم شعرة شعرة للي يحبون طريقة الرسم ثري دي للحاجب

بالنسبة للحاجب اذا كان الشعر خفيف انصح بالجل لان تكدرون تتحكمون بكثافة الحاجب عن طريقة وتسوون الموديل اللي يعجبكم الشدو ايضا يفيدكم ما احب اظلمة ????

ابد ابد لتستعملون لون هواي لان كل شي يزيد عن حدة ينقلب ضدة وايضا يصير الشكل غير حضاري ????

هذا اكثر شي حبيتة وصار سنوات استعملة ما استغني عنه ينفع للدوام ولونة طبيعي وينطي مظهر بي ترتيب وتناسق للحاجبين واللي مجربيه يعرفون قصدي ????

اقلام كاترس نوعين الخشبي العادي
وقلم يرسم شعرة شعرة يشبه قلم انستازيا ????
طبعا هواي ماركات وانواع لشدوات واقلام الحاجب وكل شخص يستعمل الشي اللي يحبة وتتناسق الوانة مع لون البشرة اهم شي يكون اصلي ومو رخيص حتى ميسبب تساقط لشعر الحاجب بالمستقبل